24/6/08

San Xoán

Un paseo noitarego polas rúas de Compostela na noite de San Xoán amosa ben ás claras o pastiche no que se ten convertido esta festa. Non se trata de laiarse dos tempos idos, pero nos últimos anos pouco queda xa daquela festa rachada: espazos acotados, prazas reconvertidas en museos (cercenadas como espazo social, vivo), políticos que arrincan como resortes cando se acende a luz das cámaras, minicacharelas en sitios postmodernos, colas disciplinadas, sardiñas-kebab... Non somos tradicionalistas, pero cando a tradición ou o costume se delimitan ata o último detalle, iníciase o camiño da fosilización museística. Non o dubidamos, o ano que vén, coma sempre, dende o ano 2000, voltaremos ao castro de Castrolandín (Cuntis, Pontevedra), onde os avós ensinan aos nenos a face-las fachas do castelo de San Xoán, que coroa a muralla do castro.

Fotografía: noite de San Xoán en Castrolandín.

2 comentarios:

Anónimo dijo...

Hola Xurxo, que casualidad, te encontré navegando por la red. Un besiño, Andrea Cuíñas

Anónimo dijo...

Menuda razón Xurxo; y nos volvimos sin una sardinilla.